Azərbaycan Respublikası Gənclər Fondunun və “Gənclərin Həmrəyliyi”ictimai birliyinin birgə təşkilatçılığı ilə dekabrın 1-də “Biznesini Birgə Yaradaq”adlı layihəsinə start verilib.
Ganjaterrorism.com xəbər verir ki, layihədə Gəncə şəhərində 45 nəfər gəncin iştirakı ilə forum keçirilməsi nəzərdə tutulub. Layihənin 2-ci günündə gənclərə praktiki biznes bilgilərin çatdırılması məqsədilə təlim keçiriləcəkdir. Təlimdə peşə təhsilinin əhəmiyyəti və müasir əmək bazarının tələbləri haqqında məlumatlar, bu istiqamətdə həyata keçirilən proqramlar haqqında məlumat verilərək, gənclərin sualları cavablandırılacaqdır. Qeyd edək ki, bu layihənin məqsədi region gənclərinin özünəməşğulluq proqramında aktiv iştirakçını təmin etməkdir.